gtkmm e je la inteface C++ uficiâl pe librarie popolâr des interfacis grafichis GTK. Lis robis in evidence a includin funzions di riclam (callbacks) a prove di gjenar, e une schirie complete di widgets che si puedin slargjâ cun facilitât midiant lis ereditâts. Tu puedis creâ intefacis in codiç o cul dissegnadôr di interfacis utent Glade, doprant Gtk::Builder. E esist une documentazion esaustive, che inclût riferiments API e un tutorial.

gtkmm al è software libar distribuît sot de licence GNU Lesser General Public License (LGPL).

Funzionalitâts

  • Utilizazion di ereditâts par derivâ widgets personalizâts.
  • Gjestôrs di segnâl a prove di gjenar, tal C++ standard.
  • Polimorfisim.
  • Utilizazion de librarie standard di C++, includudis stringhis, contignidôrs e iteradôrs.
  • Internazionalizazion complete cun UTF8.
  • Gjestion complete de memorie di C++
    • Composizion di ogjets
    • Disassegnazion automatiche dai widget assegnâts in maniere dinamiche.
  • Utilizazion complete dai spazis dai nons di C++.
  • Nissune macro.
  • Inter-plateforme: Linux (gcc), FreeBSD (gcc), NetBSD (gcc), Solaris (gcc, Forte), Win32 (gcc, MSVC 2013 o sucessîfs (gtkmm3), MSVC 2017 o sucessîfs (gtkmm4)), MacOS X (gcc), altris
  • Software libar e gratuit sedi pal disvilup come Sorzint Viert che par chel proprietari.
  • Discutût, progjetât e implementât in public.

Altris librariis coreladis a gtkmm

gnomemm

gtkmm al è un insiemi di struments pes interfacis grafichis e nie altri, si sfuarce di jessi il miôr insiemi di struments pes interfacis grafichis in C++. Chel mandât nol cuvierç lis struturis gjenerichis dai dâts C++, un analizadôr XML, o l'acès aes basis di dâts. Ancje il nestri sisteme di signal/slots al è part di une librarie separade (libsigc++). Dut câs, gtkmm al è progjetât par lavorâ ben cun dutis chês altris librariis C++.

Lis librariis gnomemm a cuvierzin cualchidune di chestis altris ativitâts, ma a son opzionâls.

libsigc++

Controle ancje di esaminâ lis nestris librariis sûrs, glibmm (stringhis UTF8, threading, e v.i.) e libsigc++ (segnâl/slots).

Altris

Controle di esaminâ Bakery, un ambient di lavôr par costruî aplicazions gtkmm/gnomemm. Al permet di doprâ la architeture Document/Viodude.